Үйлчилгээний Ерөнхий Нөхцөл

NeoApp нь хэрэглэгчдэд уламжлалт санхүү, финтек болон дижитал үйлчилгээний олон төрлийг нэг аппликэйшнээс авах боломжийг олгодог дижитал платформ юм. NeoApp нь өөрөө банк, ББСБ, бирж, зээлийн байгууллага биш бөгөөд дараах үйлчилгээ үзүүлэгч гуравдагч этгээдүүдийг хэрэглэгчтэй холбох зуучлах, технологийн платформ юм.

NeoApp нь хэрэглэгчдэд дараах төрлийн уламжлалт, финтек, дижитал үйлчилгээг нэг дороос авах боломжийг олгоно. Үүнд:

• ТӨЛБӨРИЙН ҮЙЛЧИЛГЭЭ: NeoApp-д холбогдсон бүх төрлийн төлбөрийн карт холбох, картын гүйлгээ хийх, интернет банк, банкны гар утасны аппликэйшн, бусад төлбөрийн аппликэйшнээ холбосноор хэрэглэгчийн Харилцагч хооронд хийгдэх QR суурьтай гүйлгээг хийх;
• ЗЭЭЛИЙН БҮТЭЭГДЭХҮҮН: NeoApp-д холбогдсон банк, банк бус санхүүгийн байгууллага, барьцаалан зээлдүүлэх газар, санхүүгийн түрээсийн үйлчилгээ үзүүлэгч болон бусад зээлийн үйлчилгээ эрхлэх эрх бүхий этгээдийн зээлийн бүтээгдэхүүнийг авах, хэрэглэх, буцаан төлөх
• АРИЛЖАА: NeoApp-д холбогдсон үнэт цаас, криптовалют, виртуал хөрөнгийн талаарх мэдээлэл авах, арилжааны платформ (бирж)-тэй холбогдох,
• БУСАД: NeoApp-д холбогдсон бизнесийг бизнестэй холбох, бизнесийг эрхлэгчийг хэрэглэгчтэй холбох бүхий л төрлийн үйлчилгээ

Эдгээр үйлчилгээний нөхцөл, үнэ, шимтгэл, шийдвэр нь тухайн үйлчилгээ үзүүлэгч гуравдагч этгээдийн бүрэн хариуцлагад хамаарна.

• Нэг цонхны шийдэл (One-stop fintech platform) — NeoApp нь хэрэглэгчдэд санхүүгийн болон дижитал үйлчилгээг нэг аппликейшнээр дамжуулан авах боломж олгодог. Ингэснээр олон платформд тус тус бүртгүүлэх шаардлагагүй.
• Хялбар, хурдан, бүрэн цахим үйлчилгээ — Бүртгэл, баталгаажуулалт (KYC) бүрэн цахимаар хийгдэнэ. Хаанаас ч, 24/7 ашиглах боломжтой, Цаг хугацаа, газарзүйн хязгаарлалт багатай
• Дан, хур танилт баталгаажуулалтын системд холбогдсон

Өөрийн бүртгэлтэй утасны дугаараа оруулж бүртгэл үүсгэнэ. Бүртгэлийг нэг удаагийн нууц кодоор баталгаажуулснаар бүртгэл амжилттай болно.

Иргэний үнэмлэхийн зураг, өөрийн дүрсийн баталгаажуулалтын зургийг шаардлагын дагуу оруулж, дан системийн нэвтрэлтийн үе шатыг бүрэн гүйцэтгэснээр хэрэглэгчийн гэрээ байгуулагдсан гэж үзэн таны бүртгэл бүрэн баталгаажна.

NeoApp-ийн суурь бүртгэл нь төлбөргүй байна. Бүтээгдэхүүн үйлчилгээний онцлогоос хамаарч шимтгэл, хураамж байж болох бөгөөд энэ тохиолдолд шимтгэл, хураамжийн мэдээллийг хэрэглэгчид ил тод мэдээллэнэ.

NeoApp-аар дамжуулан авч буй үйлчилгээний хүрээнд ашиглагдаж буй аливаа дүрс, зураг, бичвэр, агуулга нь оюуны өмч, барааны тэмдэг, зохиогчийн эрх болон бусад хууль тогтоомжоор хамгаалагдсан болно.

Нэвтрэх эрх үүсгэж буй өдрийн байдлаар 18 нас хүрсэн, эрх зүйн бүрэн чадамжтай байх.

NeoApp дээрх бүртгэлийг зөвхөн өөрийн нэрээр бүртгүүлсэн этгээд ашиглана. Хэрэглэгч нь NeoApp дээрх өөрийн аккаунтыг бусад этгээдэд шилжүүлэхгүй байх, нэвтрэх нэр, нууц кодыг бусдад задруулахгүй байх үүрэг хариуцлагыг бүрэн хүлээх бөгөөд NeoApp нь хэрэглэгчийн гүйлгээнд сэжигтэй нөхцөл байдал илэрсэн тохиолдолд нэн даруй дансыг битүүмжлэх, зарлагын гүйлгээг хязгаарлах эрхтэй.

• NeoApp-д бүртгүүлсэн мэдээллийн үнэн зөвийг хариуцаж, үүнтэй холбогдуулан гарсан эрсдэл, хариуцлагыг бүрэн хүлээнэ.
• Хэрэв та гадаад улсаас хандаж байгаа бол таны оршин сууж буй улсын хууль тогтоомжоор криптовалютын арилжаа, гүйлгээг хориглодог эсэхийг сайтар шалгасны үндсэн дээр хандана уу. Учир нь таны байршлаас шалтгаалан үйлчилгээ үзүүлэх, данс цэнэглэх явцад хязгаарлалт, саад, бэрхшээл учирч болзошгүй болохыг анхаарна уу.

Өөрийн нэвтрэх эрх, дансны аюулгүй байдлаа хамгаалахын тулд дараах зүйлсийг анхаарна уу:

• Нэвтрэх эрхийн нууцлал, аюулгүй байдлыг хангах үүднээс өөрийн аккаунт, компьютер, таблет болон бусад мобайл төхөөрөмж зэргээр олон төхөөрөмжөөс хандахгүй байх;
• Мөн дээрх төхөөрөмжүүдээс нэвтрэхдээ нэвтрэх хаяг, нууц үгээ сануулахгүй байх;
• Хэрэглэгч нь платформд нэвтрэхдээ Two Factor Authentication буюу нэг удаагийн үүсгэгчийг идэвхжүүлэх;

• NeoApp-ын платформ, вэб, гар утасны аппликэйшны тасралтгүй, хэвийн ажиллагааны нөхцөлийг хангах
• Хэрэглэгчийг гуравдагч этгээдийн үйлчилгээтэй холбох технологийн шийдлийг аюулгүй байдлын стандартын дагуу хэрэгжүүлэх;
• Техникийн улмаас платформ, вэб, гар утасны аппликэйшн түр зогсох, засвар үйлчилгээ хийгдэх үед мэдэгдэл гаргаж, олон нийтэд хүргэх
• Хэрэглэгчийн хувийн мэдээллийг хууль тогтоомжид нийцүүлэн нууцлах, хамгаалах;
• Хэрэглэгчийн аюулгүй байдал, хууль тогтоомжийн шаардлагыг хангах зорилгоор тодорхой үйлчилгээний хандалтыг хязгаарлах, хэрэглэгчийн бүртгэлийг түр болон бүрмөсөн зогсоох
• NeoApp-ийн үйл ажиллагаатай холбоотой санал, гомдлыг хүлээн авч, зохих журмын дагуу шийдвэрлэх.
• NeoApp-аар дамжуулан авч буй бүтээгдэхүүний нөхцөлтэй холбоотой аливаа үүргийн зөрчил, доголдол, маргаан үүссэн тохиолдолд NeoApp хариуцлага хүлээхгүй.
• NeoApp нь хэрэглэгчийн оруулсан буруу, дутуу, худал мэдээллээс үүдэлтэй аливаа хохирол, эрсдэлийг хариуцахгүй.

Өөрийн бүртгэлтэй утасны дугаараа оруулж бүртгүүлнэ. Таны бүртгэлийг нэг удаагийн нууц кодоор баталгаажуулснаар бүртгэл амжилттай болно. Мөн үйлчилгээний нөхцөл, нууцлалын бодлого, зөвшөөрлийн маягтуудыг хүлээн зөвшөөрөх ёстой. Тодорхой нөхцөлөөс хамаарч бид хэрэглэгчийг бүртгэх, данс нээхээс татгалзах эрхтэй.

Энэхүү үйлчилгээний нөхцөлтэй холбоотой аливаа маргааныг талууд эвийн журмаар шийдвэрлэхийг хичээнэ. Хэрэв, талууд маргааныг эвийн журмаар шийдвэрлэх боломжгүй бол Монгол улсын шүүхээр шийдвэрлүүлнэ.

Ямар ч тохиолдолд бид сүлжээний ердийн засвар үйлчилгээ болон цахилгаан тасрах, байгалийн гамшиг, үйлчилгээ үзүүлэгч талын асуудлууд, засгийн газрын үйл ажиллагаа зэрэг гадны хүчин зүйлээс шалтгаалсан үйлчилгээний доголдол, сааталд хариуцлага хүлээхгүй.

Хуульд өөрөөр заагаагүй бол NeoApp-ийн хариуцлага нь зөвхөн:

• платформын техникийн доголдлоос шууд үүссэн
• баримтаар нотлогдсон
• санаатай бус алдаа зэрэг нөхцөлд хязгаарлагдана

NeoApp нь дараах шууд бус, ирээдүйд олж болох орлогод хариуцлага хүлээхгүй. Үүнд:

• ашиг орлогын алдагдал
• бизнесийн боломж алдах
• нэр хүндийн хохирол
• гуравдагч этгээдэд төлөх торгууль, алданги

Хэрэглэгч дараах үндэслэлээр NeoApp-д учирсан хохирол, зардлыг бүрэн нөхөн төлнө. Үүнд:

• үйлчилгээний нөхцөл, хууль тогтоомж зөрчсөн;
• гуравдагч этгээдийн эрх, ашиг сонирхлыг зөрчсөн;
• хууль бус, залилангийн шинжтэй үйлдэл хийсэн;
• өөрийн бүртгэл, нэвтрэх мэдээллийг гуравдагч этгээдэд задруулснаас үүдсэн хохирол.

Нөхөн төлбөрт дараах зардал хамаарна:

• бодит хохирол;
• хуульч, өмгөөлөгчийн зардал;
• шүүх, арбитрын зардал;

Хэрэглэгч нь "NEOAPP"-ын үйлчилгээг ашиглахдаа Монгол улсын хууль тогтоомжийг дагаж мөрдөх үүрэгтэй.

Нууцлалын бодлого нь энэхүү гэрээний салшгүй нэг хэсэг бөгөөд хамгийн сүүлчийн хуулбарыг https://neoapp.mn/ цэснээс уншаарай. Нэмэлт өөрчлөлтийг платформ доо байршуулж, тухай бүрт нь зарлан мэдээлэх болно.

Хэрэв танд ямар нэгэн гомдол, санал, хүсэлт байгаа бол и-мэйл буюу sales@bonum.mn хаяг руу хандана уу. Бид таны асуудлыг шийдэхийн төлөө хичээж, ажиллах болно.